İnnovativ ödənişlər şöbəsinin müdiri
İş Təsviri
Azərpoçt
Vəzifə öhdəlikləri:
Yeni ödəniş həllərinin (mobil ödəniş, QR, P2P, elektron pul kisələri və s.) hazırlanması, tətbiqi və inkişafına rəhbərlik etmək;
Bazarı izləmək, trendləri araşdırmaq və tətbiqə yararlı ideyalar irəli sürmək;
Yerli və beynəlxalq partnyorlarla texnoloji əməkdaşlıqlara təşəbbüs göstərmək;
Layihə və məhsul komandasını yönləndirmək, texniki tapşırıqların formalaşdırılmasında iştirak etmək;
Requlyativ tələbləri nəzərə alaraq məhsulların uyğunluğunu təmin etmək;
Xüsusilə requlyativ tələblərdən irəli gələn daxili qayda və prosedurların yazılmasını təmin etmək və prosesdə iştirak etmək;
Daxili və xarici istifadəçilər üçün istifadəçi təcrübəsini (UX/UI) nəzərə alan həllər hazırlamaq;
KPI-ların yerinə yetirilməsinə və innovasiya göstəricilərinin yüksəldilməsinə cavabdeh olmaq.
Vəzifə üzrə tələblər:
İnformasiya texnologiyaları, maliyyə, biznesin idarə olunması və ya əlaqəli sahələr üzrə ali təhsil;
FinTech, elektron ödəniş sistemləri, rəqəmsal bankçılıq və ya e-kommersiya sahəsində minimum 3-5 il rəhbərlik təcrübəsi; (minimum baş mütəxəssis)
PSD2, PCI DSS, Open Banking, ISO 20022 və digər müvafiq texniki standartlar üzrə anlayış;
Layihə idarəetmə bacarıqları (Agile, Scrum, Kanban və s.);
API inteqrasiyaları, sandbox mühitləri və ödəniş protokolları ilə iş təcrübəsi və minimal nəzəri anlayış;
Yaxşı səviyyədə texniki-maliyyə balansı qurmaq bacarığı;
İKT komandaları ilə sıx əməkdaşlıq təcrübəsi;
Azərbaycan və ingilis dillərində mükəmməl yazılı və şifahi ünsiyyət bacarığı;
Rəhbərlik etdiyi sahə üzrə bank qanunvericiliyinin (Ödəniş xidmətləri və ödəniş sistemləri haqqında qanun, Ödəniş əməliyyatlarının aparılmasına və ödəniş alətlərinə dair Qayda, Ödəniş Agentləri ilə işin təşkili qaydası, Gücləndirilmiş müştəri autentifikasiyanın tətbiqi qaydası, Bank hesablarının açılması, aparılması və bağlanması Qaydaları, Azərbaycan Respublikasının ərazisində POS-terminalların quraşdırılması, istifadəsi və tətbiqi Qaydaları) tələblərini mükəmməl bilmək bacarığı;
Mastercard və VİSA beynəlxalq ödəniş sistemlərinin tələblərini bilmək bacarığı;
Biznes strukturunun rəhbəri olaraq aidiyyəti müqavilələrə baxmaq, şərhlər vermək və qarşı tərəfin rəylərinin cavablandırılması bacarığı;
Analitik təfəkkür, strateji baxış və təşəbbüskarlıq
Liderlik və komanda motivasiyası;
İnnovativ və çevik düşüncə;
Yüksək təşəbbüskarlıq və nəticəyə fokuslanma;
Çevik qərarvermə və stressə davamlılıq;
Güclü təqdimat və fikir əsaslandırma bacarığı;
Prioritetlərin müəyyən edilməsi və prioritetlərlə işləmək bacarığı.
İş şəraiti:
5 günlük iş həftəsi (Bazar ertəsi-Cümə);
Korporativ nömrə ilə təmin olunma;
Əmək haqqı razılaşma ilə;
İş yeri: Nəsimi ray, Drogalnı döngəsi, 702-cı məhəllə (28 may metrosu yaxınlığı)
Müvafiq tələblərə uyğun olan namizədlər mövzu hissəsində “İnnovativ ödənişlər şöbəsinin müdiri” qeyd etməklə CV-lərini Müraciət Et düyməsində qeyd olunan elektron poçt ünvanına göndərə bilərlər.